सुर्खेत । कर्णालीका मुख्यमन्त्री राजकुमार शर्मा स्वीट्जरल्याण्डको भ्रमणमा जाने भएका छन् । मुख्यमन्त्री शर्मा यही भदौ १४ गते स्वीट्जरल्याण्ड भ्रमणमा निस्किने भएका हुन् ।
उक्त कार्यक्रम सेप्टेम्बर १ र २ मा हुँदै छ । वित्तीय, सामाजिक, मानवता, निजी, सहकारी, समुदाय र हरित कार्यक्रम समेटिएको सो सेमिनारमा कर्णाली सरकारसँग सहकार्यकाबारे छलफल हुने उनले बताए । त्यसका लागि संघीय सरकारबाट अनुमति लिइसकिएको पनि उनले सुनाए ।
संघीय सरकारको निर्णयअनुसार भ्रमणका लागि स्वीकृत प्राप्त भइसकेको छ । ‘स्वीट्जरल्याण्ड भ्रमण कर्णालीमा लगानी भित्र्याउने, रोजगारीको सिर्जना गर्ने तथा समृद्धिको कार्यक्रमलाई अगाडि बढाउने सन्दर्भसँग जोडिएको छ,’ शर्माले भने,‘ बाँकी छलफल गरेर आइसकेपछि संसदमा जानकारी गराउने छु ।’
साथै शर्माले कर्णालीमा लगानी भित्र्याउनका लागि विभिन्न पहलहरू भइरहेको पनि बताए ।
सञ्चारपथ । ९ भाद्र २०८०, शनिबार ०२:३३