सुुर्खेत । बजेट कार्यान्वयनको सन्दर्भमा कर्णाली सरकार जहिल्यै उदासिन देखिएको छ । अनुदानकै भरमा ल्याउने गरेको बजेट समेत कार्यान्वयन गर्न नसकेर कर्णालीले आलोचना खेपिरहेको छ ।
चालु आर्थिक वर्ष ०७९-०८० को बजेट कार्यान्वयनको अवस्थामा पनि विगतकै जस्तो छ । चालु आर्थिक वर्ष सरकारसँग ३२ अर्ब ६१ करोड ६१ लाख ६२ हजार वार्षिक बजेट थियो । जसमा २२ अर्ब २७ करोड ६६ लाख २८ हजार १४७ रुपैयाँ कार्यान्वयनमा आएको छ ।
प्रदेशको कुल बजेटमध्ये करिब १० अर्बभन्दा बढी बजेट फ्रिज गएको छ । अझ सरकारको विकास बजेटको अवस्था भने कमजोर रहेको छ ।
१९ अर्ब ५२ करोड १२ लाख २९ हजार २ सय रुपैयाँ विकास बजेट रहेकोमा १२ अर्ब ७२ करोड ९० लाख बराबरको बजेट अर्थात ६४.०८ प्रतिशतमात्रै खर्च भएको छ ।
कुन आर्थिक वर्ष कति बजेट कार्यान्वयन भयो ?
— आर्थिक वर्ष ०७४/०७५ मा कुल बजेट: १ अर्ब २ करोड ५ लाख
खर्च प्रतिशत: ७
—आव ०७५/०७६ मा कुल बजेट: २८ अर्ब २८ करोड २८ लाख
खर्च प्रतिशत: ३६.३७
—आव ०७६/०७७ ३४ अर्ब ३५ करोड ३७ लाख ७२ हजार
खर्च प्रतिशत: ४८
—आव ०७७/०७८ मा ३३ अर्ब ७४ करोड १३ लाख ५३ हजार
खर्च प्रतिशत: ६५.५२
—आव ०७८/०७९ मा ३६ अर्ब ५४ करोड ६६ लाख ३६ हजार
खर्च प्रतिशत: ६२
— आव ०७९/०८० मा ३२ अर्ब ६१ करोड ६१ लाख ६२ हजार
खर्च प्रतिशत: ६७.५६
सञ्चारपथ । २६ असार २०८०, मंगलवार ०५:५८